ბანგლადეშის დედაქალაქში ხანძარმა 60-ზე მეტი ადამიანის სიცოცხლე იმსხვერპლა
სამაშველო სამსახურის ინფორმაციით, ცეცხლი 20 თებერვალს, ღამით გაჩნდა ქალაქის ძველ უბანში მდებარე ხუთსართულიანი შენობის პირველ სართულზე და მალევე მოედო მეზობლად მდებარე სამ საცხოვრებელ სახლს.
ადგილობრივი მედიის ცნობით, ხანძარი გაჩნდა ქიმიკატების საწყობში, საიდანაც ცეცხლი სწრაფად გავრცელდა. ხანძრის გამომწვევი მიზეზი ჯერჯერობით უცნობია.
დაკის სახანძრო სამსახურის უფროსმა ალი აჰმედმა სააგენტო ფრანს პრესს უთხრა, რომ სავარაუდოდ, ხანძარი გამოიწვია საწყობში გაზის ბალონის აალებამ. მეხანძრეებმა დილისთვის მოახერხეს ცეცხლის კერების ლოკალიზება.