Ці ёсьць нацыянальнасьць у бальшавікоў?
Матэрыял пра паламаныя крыжы ў Курапатах схіліў некаторых наведнікаў нашага сайту выказаць здагадкі, якога тыпу людзі робяць падобныя рэчы.
Раман, Менск: Маладыя бальшавічкі "гордо прошагали" па могілках.
Здань удакладніла: Маладыя расейскія бальшавічкі.
Падобнае меркаваньне наконт палітычных схільнасьцяў і нацыянальнай прыналежнасьці курапацкіх вандалаў і ў Людмілы зь Менску:
Камунафашысты і рускія нацыяналшавіністы у нашай краіне добра сябе пачуваюць.Чаму не? Бо намі кіруют "рускіе са знакам якасці".
Падаецца, аднак, што ня ўсё так проста, ці, можа, усё крыху больш складана. Злачынствы падобнага тыпу здараюцца і ў Польшчы, і ў іншых краінах Сярэдняй Эўропы, ня кажучы пра Расею ці Ўкраіну. Але ў Польшчы ці Чэхіі крайнімі за такія акты вандалізму ня робяць "расейскіх бальшавікоў" ці "расейскіх нацыяналшавіністаў", бо такіх у гэтых краінах няма. А ёсьць, відаць, свае – і бальшавікі, і шавіністы, і фашысты. У бальшавізму няма ясна вызначанай нацыянальнасьці, хоць ён і нарадзіўся ў Расеі. Кожная краіна, якая так ці іначай падпала пад уплыў бальшавіцкіх ідэй і мэтадаў, зрабіла і свой унёсак у разьвіцьцё гэтай ідэалёгіі. Беларусь тут не выключэньне.
Закончым разважаньні пра курапацкіх вандалаў прапановай яшчэ аднаго інтэрнаўта.
Алесь, горад Н: Маліцца за такіх людзей патрэбна.
Тэму сучасных бальшавікоў працягнем у сувязі з ускладаньнем кветак партыяй "Справядлівы сьвет" пад помнікам правадыру бальшавіцкай рэвалюцыі ў Менску на ўгодкі гэтай рэвалюцыі.
Браніслаў, Мінск: Ленін, каб утрымацца на крамлёўскім троне, гандляваў беларускімі землямі направа-налева. Так сваім дэкрэтам ад ад 1918 г. землі заходняй беларусі ён аддаў Польшчы, а ў 1920 г. Смаленшчыну і Браншчыну ён аддаў Расіі, Дзьвіншчыну - Латвіі. Відаць, за гэта на нашай зямлі бальшавікі наставілі яму помнікаў. Ганьба! Неабходна выкарчоўваць з нашай зямлі бальшавіцкіх ідалаў і ўшаноўваць памяць славутых сыноў Беларусі. Ці знойдзеце вы сёння дзе на Беларусі помнікі Альгерду, Вітаўту, Астрожскаму, Сапегу, Касцюшку, Ясінскаму, Врублеўскаму, Эпімах-Шэпілу, Багушэвічу, Геніюш ды іншым змагарам за наш край? У народа, які не шануе сваё мінулае, няма будучыні.
Ды ўсё ж справа Леніна ў Беларусі, як аказваецца, жыве.
Гiсторык: Без Ленiна не было б увогуле Беларусi. Гэта адзiны прадстаўнiк расейскай палiтычнай элiты, якi на самой справе падараваў беларускаму народу дзяржаўнасць. Не расейскi цар, не белыя генералы, не сацыялiст Керанскi - а менавiта Ленiн! Што тычыцца асобы Ленiна, то цяжка знайсцi iдэальных людзей. Недахопы пры вялiкiм жаданнi можна адшукаць у любога чалавека. Магчыма, у тых складаных варунках iншыя ўвогуле не вытрымалi б такога выпрабавання... За пазнейшыя злачынствы фашысцкага рэжыму Сталiна, ленiнская палiтыка нацыянальнай i сацыяльнай справядлiвасцi не павiнна вiнавацiцца з боку беларускай грамадскасцi.
Пакуль Беларусь вернецца да прынцыпаў ленінскай нацыянальнай і сацыяльнай палітыкі, беларусам трэба будзе яшчэ разабрацца як сьлед з лукашэнкаўскімі. Нядаўняе цьверджаньне Аляксандра Рыгоравіча, што ягоныя спэцназаўцы проста цацкаюцца з апазыцыяй, калі параўнаць, як абыходзяцца з дэманстрантамі ахоўнікі парадку на Захадзе, выклікала дзьве наступныя рэфлексіі:
12, Мінск: Сапраўды, нафіга газы і брандспойты, проста звольнім людзей з працы і ўсё. Усе будуць здаровы і шчаслівыя... Ці проста праз тыдзень складзём пратакол, што чалавек нецэнзурна лаяўся. Лукашызм - езуіцкая ідэалогія кіравання.
Алег, Гродна: Людзі тыпу Лукашэнка любяць хаос вкол сябе, бо яны пастаянна павінны працаваць па яго быццам бы ліквідацыі, але чарговая ліквідацыя стварае чарговы хаос. Мяняецца манера паводзін, падбіраюцца іншыя словы, тым ня менш усё застаецца нязменным хаосам. А у Лукашэнка гэты працэс асабліва набірае безнадзейна паталагічны характар.
Наогул мы ня любім камэнтаў за подпісам Ананім, але гэтым разам нам ня толькі даводзіцца працытаваць адзін такі допіс, але і прызнаць яго аўтару віртуальную пляшку чэскага піва. Камэнт быў выкліканы паведамленьнем, што штаб Уладзімер Правальскага сабраў 700 подпісаў, каб зарэгістраваць яго кандыдатам на прэзыдэнцкія выбары. Паводле старшыні ЦВК Лідзіі Ярмошынай, астатнія 99 тысяч зь нечым подпісаў, патрэбных для рэгістрацыі, штаб прыклаў як ксэракопіі згаданых 700 подпісаў.
Ананім: Молодец Владимир Провальский. Настоящий бизнесмен. У него большое будущее. В Лукашенки пойдет. Наверняка когда-то был директором совхоза. Неудивительно будет если окажется что он так же начинал свою несознательную жизнь в Шклове. Как, всё-таки, богата наша земля на умных и талантливых людей.
Да сустрэчы праз тыдзень.