Тажикстанда тасмалардагы уяттуу көрүнүштөргө тыюу салынды
Бул демилгени бир жыл мурда эле “Тажикфильм” киностудиясы көтөргөн. “Тажикфильмдин” жаңы уставында кинотасмалардагы адеп-ахлакты коргоо жөнүндөгү атайын пунктту өкмөт колдоду. Ага ылайык, киностудия эми тасма тартып гана тим болбой, жергиликтүү жана чет элдик фильмдердеги уяттуу көрүнүштөрдүн алынып ташталышын көзөмөлдөйт.
Тажик режиссеру Искандар Усмон бул демилге интеллектуалдык жеке менчик жөнүндө мыйзамга карама-каршы келет деп эсептейт. Анын айтымында, бул аракеттерден майнап чыкпайт.
– Совет доорунда ушундай чара көрүү мүмкүн эле, азыр болсо Интернетте көптөгөн ачык фильмдер бар,- деди Усмон.
Чет элдик тасмалардагы интим көрүнүштөрүн кыркып салуу тажрыбайсын Өзбекстан да көп жылдан бери колдонуп келатат.