20 – 26 АПРЕЛЬГӘ ЙОЛДЫЗНАМӘ
Кучкар (21.03-20.04)лар, атна башыннан мөһим эшләр башкармагыз. Килеп туган мәшәкатьләр кәефегезне. Финанс хәлегез тотрыклы, шуңа да акчагызны чамалап туздырыгыз. Тирә-яктагылар белән аралашканда игътибарлы булыгыз. Мөһим эшләрне башкаруны атна ахырына калдырыгыз, уңышлы вакыт.
Үгезбозау (21.04-21.05)лар, үз-үзегезгә игътибар итегез. Борчыган сорауларыгызга җавап табар өчен эчке сиземләвегезгә таяныгыз. Эшегездә уйлап эшләгез, югыйсә хата җибәреп, ялгышуыгыз ихтимал. Якыннарыгызга карата яхшы мөгамәләдә булыгыз, авыр сүз әйтмәгез. Шәхси тормышыгызга килгәндә, мөһим үзгәрешләр көтелми.
Игезәк (22.05-21.06)ләр, бу атнада шикле кешеләр белән аралашырга туры килмәс. Янәшәгездә һәрвакыт таянырлык дусларыгыз, туганнарыгыз, хезмәттәшләрегез булыр. Ялгызларны яңа танышу-очрашулар көтә. Эшегездә файда китерерлек килешүләр төзерсез.
Кысла (22.06-22.07)лар, сез артык хискә бирелүчән булырсыз. Вак-төяк күңелсезлек өчен дә борчылырсыз, үз-үзегезгә бикләнерсез. Атна уртасында дусларыгыз белән күңелле очрашу булып кәефегез күтәрелер. Эшегездә хезмәттәшләрегездән ачу алмагыз, читтән карасаң, бер дә матур түгел.
Арыслан (23.07-22.08)нар, атна сезнең өчен уңышлы булыр. Эшегездә мөһим үзгәрешләр көтелми. Ялгызларны шәхси тормышларында бернинди очрашу көтми, ә яхшы нәтиҗә китерерлек җыелышлар һәм килешү төзү булачак. Дуслар белән күрешү проблемаларыгызны чишәргә ярдәм итәр.
Кыз (23.08-22.09)лар, барысы да сезнең кулда һәм сезнең эш-гамәлләрдән генә тора. Сезгә карата начар мөнәсәбәттә булган кешеләр килеп чыгар. Зыян эшләсәләр дә, сез барысын җиңеп чыгарсыз. Каршы торырга әзерләнмәсәгез, күңелсезлеккә дучар булуыгыз ихтимал. Тормышым начар дип зарлану кирәкмәс.
Үлчәү (23.09-23.10)ләр, бу атнаны гаиләгезгә, туганнарыгызга багышларга тырышыгыз. Бигрәк тә, олы яшьтә булган гаилә әгъзаларыгызга. Алар белән генә ял вакытларының нинди рәхәт икәненә инанырсыз. Эшегездә сабырлык сорала. Килеп туган борчу-мәшәкатьләр авыр булмас, бар да җайланачак.
Чаян (24.10-22.11)нар, атнаны сезнең карашларны һәм хисләрне уртаклаша ала, кыен вакытта ярдәм итә торган кеше белән үткәрерсез. Әгәр дә андый кеше юк икән, озакламый табылыр. Күңел төшенкелегенә бирелмәс өчен ошаган китап яисә киногызны карагыз, ул сезгә файдага булыр.
Укчы (23.11-21.12)лар, башкалар дөрес эшләмисез дисә дә, игътибар итмәссез, чөнки үз башыгыз бар, нәрсә эшләгәнегезне беләсез. Тирә-яктагыларны үз ягыгызга каратырсыз. Шулай итеп, эшегез алга китәр, уңыш елмаер.
Кәҗәмөгез (22.12-18.01)ләр, бу атна сезнең өчен ялларга һәм тынычлыкка бай булыр. Алай да, бу әле бөтенләй эшсез утыру дигән сүз түгел. Эштән дә рәхәтлек алырсыз, яңа идеяләргә бай булырсыз. Атнаны гаиләгезгә багышлагыз. Яраткан кешегезгә мәхәббәтегезне исбатлап тору да комачауламый.
Сукояр (19.01-18.02)лар, атна борчу-мәшәкатьләрне хәл итәр өчен уңышлы. Киләчәккә план корыгыз, бу шәхси тормыш мәсьәләсендә мөнәсәбәтләрегезне тагын да ныгытырга ярдәм итәр. Бергә бәйрәм чараларына, табигатькә сәяхәткә чыгу да яхшы.
Балык (19.02-20.03)лар, якыннарыгызга начар мөнәсәбәттә булмагыз. Чөнки үзегез кыен хәлгә калсагыз, сезгә кем ярдәм кулы сузар? Сезгә ышаныч белән караган кешеләр файдасына яшәргә тырышмагыз, бер дә яхшы түгел. Уйланыгыз, бу сезгә шатлык китерерме? Якыннарыгыз һәм дусларыгызның сезгә булган хөрмәте – иң мөһиме.