«Юбилейлар парады» үзешчән сәнгать смотрының сайлап алу этабы тәмамланды
Быел ул Бөек Җиңүнең – 70, Лениногорск шәһәренең – 60, «Лениногорскнефть» идарәсенең 70 еллыгына багышланган иде.
Бер атна дәвамында жюри хөкеменә 12 предприятие, оешма һәм уку йортлары үз программасын тәкъдим итте. Болар – политехник колледж, КНИТУ-КАИның Лениногорск филиалы, педагогия колледжы, нефть техникумы, «Лениногорскнефть», «Лениногорскгаз» идарәләре, эчке эшләр бүлеге, үзәк хастаханә, «Витязь» сак предприятиесе, «Татнефть-ЛениногорскРемСервис», Мәгариф идарәсе үзешчән сәнгать коллективлары.
Һәр коллектив чыгышы истә калырлык булды. Жюрига һәм килгән халыкка да бик ошады.
Фестивальгә нәтиҗә Бөек Җиңүнең 70 еллыгы алдыннан ясалып, җиңүчеләр бәйрәмдә аталачак. Иң яхшы номерлар Җиңү бәйрәме концертына кертеләчәк.