Марказий Осиёда илк бор Моцартнинг скрипка ва оркестр учун яратган барча куйлари янгради

Марказий Осиёда биринчи бор бир кечада Вольфганг Амадей Моцартнинг скрипка ва оркестр учун яратган бешта концерти ижро этилди. Буни Тошкентда Амалия Холл (Янги Зеландия) и доктор Тигран Шиганян бошчилигидаги «Туркистон» камер оркестри ижро этди, деб хабар беради «Фарғона» мухбири. Мусиқий кеча 19 ноябрь куни Ўзбекистон консерваториясининг Катта залида бўлиб ўтди. Концертда учта мамлакат — Янги Зеландию, АҚШ ва Ўзбекистон вакиллари иштирок этдилар. Созанда Амалия Холл Веллингтон (Янги Зеландия) симфоник оркестри тарихидаги энг ёш ижрочи ҳисобланади. Концертга дирижёрлик қилган доктор Тигран Шиганян Мичиган (АҚШ) университетида ишлайди, Тошкент консерваториясини тамомлаган. Лекин у Тошкентда тез-тез концерт лойиҳаларини амалга ошириб туради. Ўзбекистон хизмат кўрсатган санъат арбоби Элдар Азимов бошчилигидаги “Туркистон” камер оркестри маҳаллий ва хорижий классик куй намоёндалари ижодига асосланган фестивал ва концертлари билан кўпчиликка машҳур. Амалия Холл 20 йилдан бери дунёнинг энг нуфузли саҳналарида ўз концертлари билан иштирок этади. У 9 ёшидан Окленд филармоник оркестрида куй ижро қила бошлаган ва Янги Зеландиядаги энг ёш мусиқачи мақомини олган. Амалия Велингтон оркестри, Окленд симфоник оркестри, Крайстчерч симфоник оркестри ва Saint Matthews камер оркестри билан ҳамкорликда куйларни ижро этди. 2016 йили Холл дунёга машҳур Клэр Коуэннинг “Старк” концертида иштирок этди. Амалия Холлнинг Ўзбекистондаги биринчи концерти шу йилнинг май ойида бўлиб ўтди. Доктор Тигран Шиганян бошчилигидаги Миллий симфоник оркестри билан у Иоганнес Брамснинг скрипка ва оркестр учун концертидаги 77-куй ва №1 Венгер рақси куйини ижро этди. Ўшанда Амалия Холл яна бир концерт бериб, унда ўзбекистонлик пианиначи Татьяна Мякушко билан Брамснинг скрипка ва фортепиано учун яратган барча сонаталарини ижро этганди. “Фарғона” халқаро ахборот агентлиги