Президент Мирзиёев қўшниларга транспортни ривожлантириш стратегиясини ишлаб чиқишни таклиф қилди
"Газета уз"нинг ёзишича, президентнинг таклифларини Тошкентда 20 сентябрь куни бошланган халқаро транспорт конференциясида бош вазир Абдулла Арипов ўқиб эшиттирди.
Мирзиёев Жахон банки, Осиё ва Ислом тараққиёт банклари экспертлари билан ҳамкорликда минтақавий транспорт йўлакларини ривожлантириш стратегиясини ишлаб чиқишни, транспортда юк ташиш масаласини ШҲТ доирасида интеграциявий бошқаришни, Марказий Осиё транспорт кенгашини ташкил этишни таклиф қилмоқда.
Маълумотларга қараганда, денгиз йўлига эга бўлмаган минтақада транспортда юк ташиш ҳаражатлари экспорт қилинган маҳсулот нархининг 70-80 фоизини ташкил қилмоқда. Юк ташиш учун кетган вақтнинг 40 фоизи божхоналар ҳиссасига тўғри келади.
Агар минтақа давлатлари бу йўналишда ўзаро кооперацияга эриша олсалар, 10 йил ичида Марказий Осиё ялпи ички маҳсулоти икки баробарга кўпайиши мумкинлигини БМТ таъкидлаб келади.