Лениногорскилы Ринат абый Вилдановка – 80 яшь
Ринат Абдулла улы Вилданов исеме шәһәр һәм районда яшәүче татар җәмәгатьчелегенә яхшы таныш.
Озак еллар буена татар иҗтимагый үзәгенең җирле бүлекчәсен җитәкләгән кеше ул. Прибор заводында эшләгән, хәзер күптән инде лаеклы ялда, оныклар үстерешә.
Шәһәр һәм районда үткән бер генә әдәби кичәдән дә калмый ул. “Чишмә” иҗат берләшмәсе утырышларына бик теләп йөри, күп укый, яттан шактый шигырьләр белә.
Шушы көннәрдә Ринат абый 80 яшьлек юбилеен билгеләп үтәргә җыена. Сәламәтлек, тыныч көннәр, гаилә иминлеге телибез үзенә.