Rusiye Tasil nazirliginde Qırım aqqında davalı sözleri olğan derslikniñ muelliflerini standartlarnı bilmegenlerinde qabaatladılar – KHV

Rusiye Tasil ve ilim nazirliginiñ rehberi Olga Vasilyeva, Qırım aqqında sözleri içün Rusiye siyasetçileriniñ tenqidine oğrağan doquzıncı sınıflar içün eñ yañı devir Rusiye tarihi boyunca derslikniñ muellifleri «tarihiy-medeniy standart»nen tanış degiller, dedi.


Как сообщают 13 января российские СМИ, такое заявление Васильева сделала в интервью на телеканале НТВ.


O: «Bu dersliklerni azırlağan arqadaşlar, olar bes-belli, tarihiy-medeniy standart saasında neler olıp turğanını pek yahşı bilmeyler ve, belki de, sadece aşıqqandırlar, çünki yañı oquv yılına qadar yetiştirmek kerek ediler, bu sebepten men türlü şeylerni farz ete bilem», – dedi.


Bunıñ arfesinde, Rusiye Tasil ve ilim nazirliginiñ bu derslikni qoşma ekspertizağa yollağanı bell oldı.


TASS agentliginiñ bildirgenine köre, bu derslikni neşir etken «Drofa» neşriyatında, derslikniñ Ukrainadaki vaqialar taqdim etilgen qısmında davalı tariflemeler yoq, dediler.


2017 senesiniñ oktâbrinde Qırımdan senator olğan Sergey Tsekov derslikni özüniñ plenar çıqışında añdı. O, Qırımda Rusiyeniñ ilhaqı aqqında şu parçanı oqudı: «Kiyevde başlağan inqilâp halqara siyasetniñ vaqiası oldı ve inqilâbiy dalğada diger tarafqa yaldap başlağan Qırımnı çıqarıp çetke attı».


Rusiye parlamentindeki yuqarı palatasınıñ reisi Valentina Matviyenko, bu parçağa «provakatsion» dep, Federatsiya şurasınıñ tasil ve ilim boyunca komitetine tarih derslikleriniñ Qırımğa dair bölüklerini teşkermege teklif etti.


Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar tatbiq etti. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.