ԵՄ-ի հետ քաղաքական երկխոսության շարունակականությունը ՀՀ քաղաքական օրակարգի կարևոր ուղղություններից է. Շարմազանով
«ԵՄ-ի հետ քաղաքական երկխոսության շարունակականությունը ՀՀ քաղաքական օրակարգի կարևոր ուղղություններից է: Հայաստանը ԵԱՏՄ միակ երկիրն է, որը նման համաձայնագիր է ստորագրել Եվրամիության հետ: Այն հնարավորություն է տալիս կամուրջ հանդիսանալու ԵՄ-իև ԵԱՏՄ-ի միջ և», - ասել է Շարմազանովը:
Կողմերը քննարկել են նաև Հարավային Կովկասի տարածաշրջանային խնդիրներին առնչվող հարցեր: Շարմազանովը նշել է. - «Թե՛ Հայաստանը, թե՛ Արցախը հակամարտությունների խաղաղ կարգավորման կողմնակից են` Մինսկի խմբի համանախագահության ձևաչափում` հայտնի երեք սկզբունքների հիման վրա: Շատ կարևոր է Արևելյան գործընկերության գագաթաժողովի հայտարարության մեջ աջակցությունն այդ երեք սկզբունքներին` ուժի կամ սպառնալիքի չկիրառում, տարածքային ամբողջականությանև ժողովուրդների իրավահավասարության ու ինքնորոշման իրավունքի իրացում: Ադրբեջանից մշտապես հնչող ռազմատենչ հռետորաբանությունը մտահոգիչ էև չի բխում հակամարտության խաղաղ կարգավորման տրամաբանությունից: Հայաստանումև Արցախում կառուցում են ժողովրդավարություն, մինչդեռ Ադրբեջանում ծաղկում է ավտորիտարիզմը»:
Նշեն, որ Էդուարդ Շարմազանովի գլխավորած պատվիրակության կազմում են պատգամավորներ Սամվել Ֆարմանյանը և Սուրեն Մանուկյանը։
Հանդիպման ընթացքում պատվիրակության անդամները բարձր են գնահատել Լիտվայի կողմից Հայոց ցեղասպանությունը դատապարտելու փաստը և ընդգծել, որ Լիտվան առայժմ Հայոց ցեղասպանությունը ճանաչած Մերձբալթյան միակ երկիրն է:
Պատվիրակությունն իր երախտագիտությունն է հայտնել Լիտվայի խորհրդարանի և Գեդիմինաս Կիրկիլասի աջակցությամբ Վիլնյուսի Ցեղասպանության թանգարանում Հայոց ցեղասպանության հարյուրամյակին նվիրված ցուցահանդեսի կազմակերպման համար:
Հանդիպման ընթացքում կողմերը կարևորել են հայ-լիտվական խորհրդարանական հարաբերությունների շարունակական զարգացումը, միջխորհրդարանական կառույցներում պատվիրակությունների համագործակցությունը:
Հանդիպման ավարտին Էդուարդ Շարմազանովը Գեդիմինաս Կիրկիլասին 2018 թվականին հրավիրել է Հայաստան: