Киіктің жаппай қырылу оқиғасы енді қайталанбауы керек
АСТАНА. ҚазАқпарат - Қазақ киелі деп санайтын түз тағыларының бірі - киік. Әлбетте киелілікке қатысты аңыз әңгімелер өз алдына, ал бірақ ақбөкеннің сонау тас дәуірінен бері өмір сүріп, тұқымын сақтап келе жатқан жануар екенін екінің бірі біле бермейтін тәрізді. Сол ерте дәуірден бері осынау түз иесінің басына нешеме зобалаң тумады десеңізші?! Осыншама зобалаңнан аман қалғандығының өзі оның киелі екенін аңғартып тұрғандай. Айта кетерлігі, бүгінгі таңда киіктің 70 пайызы тек Қазақстанда ғана өсіп-өніп келеді.