Ղարաբաղյան խնդրի կարգավորումը շատ հեռու է. քաղաքագետ
Քաղաքագետի խոսքով՝ վերջապես կողմերն արձանագրում են իրականությունը, որ կարգավորումը հեշտ չի լինելու։
Նշենք, այսօր Երևանում Լավրով-Նալբանդյան բանակցություններին հաջորդած մամուլի ասուլիսի ժամանակ Ռուսաստանի արտգործնախարար Սերգեյ Լավրովը հայտարարեց, որ «չափազանց լավատեսություն չի արտահայտում» խնդրի կարգավորման հարցում։ «Ես չափազանց լավատեսություն չեմ արտահայտի, սա դժվար խնդիր է, և մեր բանակցությունների ամբողջ փորձը գալիս է ապացուցելու, որ դրանք արագ չեն ավարտվի», - ասաց Ռուսաստանի արտգործնախարարը։
Քաղաքագետի խոսքով՝ փորձը ցույց է տալիս, որ ԼՂ կարգավորումը շատ հեռու է։ «Մեծ աշխատանք կա, տնային աշխատանք կա կատարելու, որպեսզի կողմերը գոնե որոշակի չափով մոտիկանան կարգավորմանը», - ասաց Գրիգորյանը՝ շարունակելով. - «Երկու, երեք հակասություն կա, մեկը՝ Արցախի ստատուսը, թե երբ է որոշվելու, պլեբեսցիտը, երբ է լինելու, որ ժամկետում է դա լինելու, որովհետև դրանից կախված է նաև հայ ժողովրդի անվտանգությունը տարածաշրջանում և ամեն ինչը։ Մյուս հարցը, խաղաղապահների հարցն է, որը ևս որոշակի կոնֆլիկտների և տարաձայնությունների առիթ է հանդիսանում, ես կարծում եմ, որ Ռուսաստանը հակված է միայնակ ապահովել խաղաղապահ գործունեություն։ Իսկ մյուսն էլ, թե ինչպես Ադրբեջանը կարող է համակերպվել այն փաստի հետ, որ ինչ-որ մի պահի կարող է Արցախն անկախ լինել։ Հիմնականում սրանք են, որովհետև մնացած հարցերում կարելի է ասել երկու կողմերի իշխանությունները մեծ հաշվով խնդիր չեն տեսնում»։