2015 елга Көнчыгыш йолдызнамәсе
2015 ел – Агач Кәҗә елы. Бу ел ничек үтәр?
Ул безгә ниләр вәгъдә итә?
Күсе (1960, 1972, 1984, 1996, 2008)ләргә Агач Кәҗә елында һәрвакыт финанс мәсьәләсен кайгыртып яшәрсез. Җаваплылык тоя белмәүче кешеләр белән “сугыш” алып барырсыз. Дөньяны кире үзгәртеп корып булмый, шуңа да ял итеп эшләргә өйрәнегез. Гаилә корырга әзер булган кешеләрне яңа очрашу-танышулар көтә. Сәламәтлегегез турында да онытмагыз. Быел яз-көз айларында хроник авырулар борчырга мөмкин.
Күсе (1960, 1972, 1984, 1996, 2008)ләргә Агач Кәҗә елында һәрвакыт финанс мәсьәләсен кайгыртып яшәрсез. Җаваплылык тоя белмәүче кешеләр белән “сугыш” алып барырсыз. Дөньяны кире үзгәртеп корып булмый, шуңа да ял итеп эшләргә өйрәнегез. Гаилә корырга әзер булган кешеләрне яңа очрашу-танышулар көтә. Сәламәтлегегез турында да онытмагыз. Быел яз-көз айларында хроник авырулар борчырга мөмкин.
Үгез (1961, 1973, 1985, 1997, 2009) елында туучыларның барлык хыяллары чынга ашыр. Кешеләр белән уртак тел табарга, аларның фикерен тыңларга, үз хаталарыгыз өчен җавап бирергә өйрәнерсез. Үгезләрнең идеяләренә тирә-яктагылар буйсынып яшәр. Ел дәвамында финанс мәсьәләсе ягыннан гел уңыш елмаер. Ялгызлар парлы булыр. Яраткан кешегезнең игътибарын җәлеп итеп, үз бәхетегез өчен көрәшегез.
Юлбарыс (1962, 1974, 1986, 1998, 2010). Кәҗә елында юлбарыс кебек усал булмагыз, югыйсә ел буена тирә-яктагы кешеләр белән ызгыш-талашта яшәргә туры килмәгәе. Шуңа да, ярату өчен бер ярны гына сайлагыз. Гаиләле парларның мөнәсәбәте тагын да ныгысын өчен сәяхәткә бару комачау итмәс. Рәхәт тормышта яшәргә теләрсез, чыгымнар булыр, акчаны “кара көнгә” калдырырга өйрәнегез.
Куян (Песи) (1963, 1975, 1987, 1999, 2011) елында туучыларны Кәҗә елында зур үзгәрешләр көтә. Егет-кызлар үз парын табып, гаилә кору турында хыялланыр. Туганнар белән бердәм булып, аралашып яшәрсез. Финанс мәсьәләсендә 2015 ел Куяннар өчен уңышлы булачак. Якын кешеләрегезгә спонсор булуыгыз да ихтимал. Коллектив эчендә эшлисез икән, аларга карата ачык йөз һәм хөрмәт күрсәтеп эшләгез.
Аҗдаһа (1964, 1976, 1988, 2000, 2012). Көнче булмагыз, югыйсә якын кешегезне югалтуыгыз ихтимал. Гаиләдә тыныч, кайгыртучан ир һәм әти булыгыз. Яшь парлар гаилә корырга уйласа, яз ае иң яхшы вакыт. Карьерагызга килгәндә, югары урынга күтәрелү өчен янәшәгездә тугры дуслар, ярдәм итүче хезмәттәшләр тупларсыз. Чыгымнар турында яхшылап уйлагыз, бөтен нәрсәне берьюлы булдырып булмый.
Елан (1965, 1977, 1989, 2001, 2013)нар, тормыш гел яхшы гына бармый, борчу-мәшәкатьсез дә булмый. Үз фикерегез генә дөрес дип йөрмәгез, башкаларның да киңәшенә игътибар итегез. Сөйгәнегезне нинди бар, шундый итеп кабул итегез һәм яратыгыз. Яхшы эш тәкъдим итсәләр, ризалашыгыз, бу сезнең өчен зур мөмкинлек. Акчаны кулда тота белүегез уңай нәтиҗә бирер.
Ат (1954, 1966, 1978, 1990, 2002) елында туучылар дөньяның тәмен тоеп яшәр. Тирә-яктагыларның игътибарын яулап алу сәләтегез көчле, сезгә тиз гашыйк булырлар. Хата кылгансыз икән, гафу үтенергә өйрәнегез. Бу елда, нишләптер, тир түгеп эшләргә җыенмыйсыз. Гаилә беренче урында торыр. Керемегез күп булмаса да, өй мәшәкатьләрен хәл итү өчен чыгымнар көтелә. Үз бизнесыгызны башлап җибәрерсез.
Кәҗә (Сарык) (1955, 1967, 1979, 1991, 2003). Сез – 2015 елның хуҗасы. Аеруча сәламәтлегегезгә игътибар бирегез. Финанс мәсьәләсен һәрвакыт контрольдә тотарга, күп чыгымнар булдырмаска киңәш ителә. Әгәр дә инде аны дөрес файдалансагыз, кереме дә булмыйча калмас. Файда китерүче кешеләр белән генә танышып, мөнәсәбәт корырсыз. Тора-бара сезнең өчен мөһим урынны акча түгел, ә сөйгән яр биләр.
Маймыл (1956, 1968, 1980, 1992, 2004)лар, позитив кеше булуыгыз аркасында, 2015 ел сезнең өчен уңышлы һәм җиңел үтәр. Яшь парлар гаилә корырга әзерләнер. Бу ел гаилә кору өчен бик уңышлы. Ялгызлар үз парын очратыр. Сездә эшкә карата җиңел мөнәсәбәт, бер эштән икенчесенә күчеп йөрерсез. Керемне ничек булдырырга икәнен дә җиңел хәл итәрсез. Сезгә уңыш гел елмаеп торыр.
Әтәч (1957, 1969, 1981, 1993, 2005)ләр, йолдызлар сезне кисәтә – “әтәчләнү”егезне туктатыгыз. Алай эшләмисез икән, берүзегез калганны сизми дә калырсыз. Сабыр булырга өйрәнегез. Көндәлек эшне ташлап, шәхси бизнес белән шөгыльләнерсез. Финанс яктан чыгымнар таләп ителсә дә, тиздән керемнәр аны каплаячак. Ел ахырында гаиләгез белән сәяхәткә бару комачау итмәс.
Эт (1958, 1970, 1982, 1994, 2006)ләр, әгәр дә сез үзгәрешләрдән курыкмыйсыз, үз-үзегезгә ышанучан кеше икәнсез, 2015 елны горур атлап каршы алсагыз да була. Этләргә ел дәвамында туганнарга, якын кешеләргә һәрвакыт ярдәм итеп яшәргә, күңелле һәм күңелсез минутларны бергә кичерергә кушыла. Гаиләнең бәхетле булуы үзегездән тора. Очрашып йөрүче парлар бер-берсенә юл куярга өйрәнсә иде.
Чучка (Кабан) (1959, 1971, 1983, 1995, 2007)лар, Кәҗә елында сезне төрле күңелле вакыйгалар көтә. Егетләр кызларның игътибарын җәлеп итәр өчен барысын да эшләр. Кабаннар беркайчан да эшсез булмас. Югары хезмәт хакы түләнә торган эш тәкъдим итәрләр, каршы килмәгез, мондый мөмкинлек гел булмый. Йолдызлар сезгә дөрес юлдан тайпылмыйча яшәргә киңәш итә.