Якын көннәрдә һава температурасының кинәт түбән төшү күзәтеләчәк. Татарстан синоптиклары шулай дип белдерә.
Атнаның беренче көне җылы һава температурасы, юеш кар белән башланып китсә дә, сишәмбегә каршы төндә сизелерлек суытачак. Төнлә -7, иртәгә көндез -3 градус булачак. Атна азагына кадәр һава температурасының -18 градуска кадәр төшүе көтелә.
Лениногорскида һава температурасы атна дәвамында көндез –3 –6 градус, төнлә –6 –7 градус була. Атна ахырында, ягъни шимбә һәм якшәмбе көннәрендә көннәр салкынаеп китәчәк. Төнлә –16 –21 градус, көндез –17 –22 градуска кадәр салкын булуы көтелә, дип хәбәр итә синоптиклар.