ЯНЪЫ БАСШЫ МАН ТАНЫСУВ
Сосы йылдынъ 22 июнинде Карашай-Шеркеш Республикасынынъ Басшысынынъ борышларын заманлыша толтырувшы Рашид Темрезов «Газпром межрегионгаз Пятигорск» ООО-дынъ филиалынынъ янъы директоры эм «Газпром газораспределение Черкесск» АО-дынъ толтырувшы директоры Гузер Хашукаев пен йолыгысты. Исши йолыгыстынъ барысында «Газпром» ОАО ман таралтылатаган РФ регионларын газификациялав программасын КЧР юртында таралтув бойынша «Газпром газораспределение Черкесск» АО-дынъ аьрекетининъ тамамлары тергелдилер.
Сондай болып кенъестинъ катнасувшылары газ уьшин яратувшылардынъ тоьлевлер маьселеси бойынша ойластылар эм тоьлевлик нызамды беркитуьв бойынша амалларды белгиледилер.
Янъыларда «Газпромнынъ» правлениесининъ председатели Алексей Миллер мен йолыгысынынъ барысында КЧР-ды, айырып айтканда, Учкулан оьзенин, арбатында газификациялав бойынша етисилген келисуьвлерге Рашид Темрезов янъы басшыдынъ эсин каратты