Күрше төбәктә ир белән хатын янып үлгән
26 ноябрьдә кичке җиделәр тирәсендә Чувашиянең Козловский районындагы Яңа Шутнерово авылында янгын була. Биредә ир белән хатын һәлак була. Бу турыда Чувашия буенча Тикшерү идарәсенә сылтама белән cheb-live.ru хәбәр итте.
Фаҗигадә агач йорт та, каралты-куралар да янып бетә. Урында 78 һәм 68 яшьлек әби белән бабай мәете табыла.
Шуннан соң тикшерү эшләре башлана.
Якынча версия буенча, ир белән хатын төтен исе белән агуланып үлә. Криминал эзләре ачыкланмады, диелә хәбәрдә.