Сафонов ишончли ўйнади, аммо ПСЖда тўртта омадсиз
ПСЖ сафардa “Гавр”ни 1:0 ҳисобида енгиб, “Ланс”дан ўзиб кетишдаги устунлигини 4 очкога етказди. Ҳисоб ғалабали бўлса-да, ўйин парижликлар учун осон кечмади ва жамоа кутилган даражада ишончли кўринмади. Бу ҳақда euro-football.ru хабар беради.
Учрашувнинг энг ижобий жиҳатларидан бири — Матвей Сафоновнинг ўйини бўлди. Россиялик дарвозабон гол ўтказмади, икки бор сейв амалга оширди, жарима майдони ичида ҳам, чиқишларда ҳам аниқ ҳаракат қилди ва ҳимоядаги хатоларни бир неча бор ёпиб кетди.
Шунга қарамай, ғалаба фонида ҳам ПСЖ таркибида суст ўйнаган футболчилар кўп бўлди. “Евро-футбол.ru” 10 баллик тизим асосида Луис Энрике шогирдларининг ўйинини субъектив баҳолаб, учрашувдаги энг омадсиз тўрт футболчини ажратиб кўрсатди.
Энг паст баҳолардан бири Хвича Кварацхелияга берилди — 3,0. У ҳимоячилар кучли босим қилгани учун эмас, айнан ўзи вазиятларни барбод қилгани сабаб танқид остида қолди: беш метрдан тўсинга теккизди, кейин яна шунга яқин вазиятда дарвозани нишонга ола олмади. Натижада гол урмасдан майдонни эрта тарк этди.
Вилльян Пачо ҳам 3,0 олди. Эквадорлик ҳимоячи аввал “Монако”га қарши ўйиндагидек бу сафар ҳам Сафоновни ноқулай вазиятга солиб қўйди: “Гавр”нинг ягона жиддий ҳужумида Сумарени қўлдан чиқарди, юқори тўпларда уч курашнинг иккитаси ютқазилди. У яна бир марта қўпол ўйнаб қоида бузди, позицион ҳужумларда эса тўпни олдинга олиб чиқишда деярли фойда бера олмади.
Дро Фернандес — 3,0. Нашр фикрича, Луис Энрике ёш ярим ҳимоячига ҳаддан ташқари ишонаётгандек кўринади. Бу ўйинда у фақат Ҳакимийнинг офсайддан кейинги узатмаси ортидан аниқ зарба бериш билан эсда қолди, холос. Тўғри вазиятларда эса кўпроқ курашда (6 марта) ва дриблингда (3 марта) тўп йўқотди, умуман олганда зарбалар ҳам, кескинлаштиришлар ҳам бўлмади.
Дезире Дуе ҳам 3,0 баҳо олди. У тезкорлиги ва енгил ҳаракати билан кўзга ташланса-да, кўпинча ўйинни ортиқча безашга уринди. Ўзи ишлаб берган пенальти имкониятини пижонoна услубда йўқ қилди, кўп эпизодларда эса ташаббусни ҳаддан ташқари ўзига тортди. Ярим соат ичида бир неча бор порлади, аммо учта зарбадан бирортаси голга айланмади.
Маълумот учун: учрашув 28 февраль куни “Осеан” стадионида (Гавр) бўлиб ўтди. Ягона голни 37-дақиқада Бредли Баркoла урди.