Руни Слотнинг «Ливерпул»га мос эмаслигини изоҳлади
Англия футбол афсоналаридан бири Уэйн Руни «Ливерпул» бош мураббийи Арне Слот ҳақида ўз фикрларини билдирди. Бу ҳақда euro-football.ru хабар беради.
Слот Англиядаги илк мавсумидайоқ «қизиллар»ни Премьер-лига чемпионлигига олиб чиққан эди. Бироқ жорий мавсум унчалик муваффақиятли кечмаяпти: 26 турдан сўнг жамоа турнир жадвалида фақат 6-ўринда бормоқда.
Руни Слот билан бир неча бор учрашганини айтиб, унинг инсон сифатида ёқимли эканини таъкидлади. Шунга қарамай, собиқ ҳужумчи нидерландиялик мутахассисда «Ливерпул»га хос бўлган ўша “аура” етишмаслигини қайд этди ва буни Юрген Клопп давридан кейинги босим билан ҳам боғлади.
Арне Слотнинг «Ливерпул» билан тузган шартномаси 2027 йил ўрталаригача мўлжалланган.