«Ал-Ҳилол» Бензема учун Нуньесни чемпионат рўйхатидан чиқарди
Уругвайлик ҳужумчи Дарвин Нуньес мавсумнинг қолган қисмида араб чемпионатида майдонга тушмайди. «Ал-Ҳилол»нинг италиялик бош мураббийи клубга яқинда қўшилган Карим Бенземани рўйхатга киритиш учун Нуньесни миллий чемпионат учун аризадан чиқариб ташлади. Шунга қарамай, Нуньес Осиё Чемпионлар Лигаси учрашувлари учун жамоа қайдномасида қолди. Бу ҳақда euro-football.ru хабар беради.
Эслатиб ўтамиз, Нуньес фаолияти давомида Испаниянинг «Алмерия», Португалиянинг «Бенфика» ва Англиянинг «Ливерпул» клубларида ҳам тўп сурган. У 2019 йилдан буён Уругвай терма жамоасига жалб этилиб келмоқда ва ҳозиргача 13 та гол муаллифига айланган. Шунингдек, футболчи 2022 йил Қатарда ўтган жаҳон чемпионатида ҳам иштирок этган.