Հնդկաստանում Գանգես և Յամունա գետերը կենդանի արարածներ են ճանաչվել
Հնդկաստանում Ութարաքհանդ նահանգի Գերագույն դատարանը Գանգես և Յամունա գետերը ճանաչել է որպես իրավաբանական անձինք և կենդանի արարածներ:
Ինչպես հաղորդում է Корреспондент-ը, դատարանի որոշմամբ գետերը «իրավական անձ և կենդանի էակներ են հանդիսանում` դրանից բխող բոլոր իրավունքներով և պարտականություններով:
Այսպիսով, այս ջրամբարների աղտոտումը կդիտարկվի որպես վնաս մարդկային կյանքին: Այս միջոցը ձեռնարկվել է պահպանելու համար Գանգեսի և Յամունայի գոյությունը, որոնք հնդկական հասարակության կարևորագույն մասն են կազմում:
Ութարաքհանդ նահանգը գտնվում է Հիմալայներում, որտեղ գտնվում են նաև երկու գետի աղբյուրները: Այդ իսկ պատճառով այս սրբազան գետերի ափերի գրավումն ու աղտոտումը մեծ խնդիր է հանդիսանում նահանգի համար: