Twitter-ն անցյալ տարի շուրջ 377 000 էջ է արգելափակել ահաբեկչության քարոզչության համար
Twitter միկրոբլոգների ցանցն անցյալ տարվա ընթացքում, ընդհանուր առմամբ, 376 890 էջ է արգելափակել` օգտատերերին ահաբեկչական քարոզարշավից պաշտպանելու նպատակով:
Այս մասին հայտնում է CNN-ը` վկայակոչելով ընկերության հաշվետվությունը: Միաժամանակ նշվում է, որ 2015 թվականի օգոստոսից ի վեր արգելափակված էջերի քանակը գերազանցում է 600 000-ը:
Ինչպես պարզվել է, հաշիվների մեծամասնությունը ջնջվել է ավտոմատ կերպով, երբ ծայրահեղականության ստուգումներ են իրականացվել: Ի դեպ, արգելափակված և ջնջված էջերի միայն 2 տոկոսն է վերացվել տարբեր երկրների իշխանությունների պահանջով: