Չինաստանում գնացքները 8,6 մլն մարդ են տեղափոխել մեկ օրում
Չինաստանում երկաթուղային տեղափոխումների ծավալը մեկ օրում աճել է 24,6 տոկոսով, հաղորդում է Ecns.cn-ը
Աղբյուրը մանրամասնում է, որ ուղևորների հոսքի կտրուկ ավելացումը կապված է լուսնային օրացույցով չինական Նոր տարվա (Գարնան տոնի) հետ, որը 2017 թվականին կտոնվի հունվարի 28-ին։
Նշվում է, որ Գարնան տոնից մեկ շաբաթ առաջ հարյուր միլիոնավոր չինացիներ ամբողջ երկրում ձգտում են վերադառնալ հայրենի քաղաքներ և ընտանեկան միջավայրում նշել Նոր տարին։
Պարբերականը պարզաբանում է, որ հունվարի 13-ին երկաթուղիով իրականացվել է ավելի քան 8,6 միլիոն ուղևորություն, ինչը 1,71 միլիոնով ավելի շատ է 2016 թվականի տվյալներից։
Չինաստանի տրանսպորտի նախարարությունն ակնկալում է, որ Գարնան տոնից առաջ երկրում ընդհանուր առմամբ կիրականացվի 2,98 միլիարդ ուղևորություն, որից 356 միլիոնը` երկաթուղով: