Նիգերիայում «պլաստիկ» բրնձով լի պարկեր են առգրավվել. այն պետք է վաճառվեր նախատոնական շրջանում
Նիգերիայում առգրավվել է 102 պարկ «պլաստիկ» բրինձ, որը մաքսանենգել են անբարեխիղճ գործարարները: Այս մասին հաղորդում է BBC-ն` հղում անելով երկրի մաքսային ծառայությանը:
Մաքսային ծառայության ղեկավար Հարունա Մամուդուի խոսքով` կեղծ բրինձը եփելուց հետո կպչուն է դառնում և «միայն Աստված գիտի, թե ինչ տեղի կունենար», եթե մարդիկ ուտեին այն:
Աղբյուրը մանրամասնում է, որ կեղծ բրինձը պետք է վաճառվեր խանութներում տոնական շրջանում: Այժմ իրականացվում է հետաքննություն՝ պարզելու համար, թե որքան կեղծ բրինձ է արդեն վաճառվել: