Pink Floyd-ը վերամիավորվել է հանուն պաղեստինամետ կին ակտիվիստների
Բրիտանական Pink Floyd խմբի մասնակիցներ Դևիդ Գիլմորը, Նիք Մեյսոնն ու Ռոջեր Ուոթերսը վերամիավորվել են հանուն պաղեստինամետ ակտիվիստուհիների, հաղորդում է Gazeta.ru-ն` հղում անելով խմբի ֆեյսբուքյան գրառմանը:
Խոսքը Women's Boat to Gaza նախագծի մասնակից կանանց մասին է, որոնք սեպտեմբերին իսպանական Բարսելոնայից ուղևորվել են Գազայի հատված ու ձերբակալվել Իսրայելի պաշտպանության բանակի կողմից:
Նշվում է, որ Pink Floyd խմբի երաժիշտները դատապարտել են ակտիվիստների «ապօրինի ձերբակալությունն ու կալանավորումը» միջազգային ջրերում:
The Guardian-ը գրում է, որ Freedom Flotilla Coalition-ից նախագծի հովանավորներն ակնկալում են, որ ձերբակալվածները շուտով ազատ կարձակվեն, որոշ չափով` Pink Floyd-ի աջակցության շնորհիվ: Թերթը հիշեցնում է, որ Ուոթերսն արդեն բազմիցս աջակցել է Պաղեստինին, ինչպես նաև Իսրայելը մշակութային բոյկոտի ենթարկելու կոչեր է արել: