Վաշինգտոն նահանգում հրաձգության մեջ կասկածյալը ծննդով Թուրքիայից է (լուսանկար)
ԱՄՆ Վաշինգտոն նահանգի առևտրի կենտրոններից մեկում հրաձգություն իրականացրած ու հինգ մարդ սպանած կասկածյալը թուրք միգրանտ Արքան Չեթինն է, հաղորդում է KIRO 7 տեղական հեռուստաալիքը:
Ըստ հեռուստաալիքի տվյալների` ենթադրյալ հարձակվողը 20 տարեկան է և բնակության թույլտվություն ունի ԱՄՆ-ում: Սպասվում է, որ երկուշաբթի օրը նա կկանգնի Սկաջիթ վարչական շրջանի դատարանի առջև:
Հիշեցնենք, որ շաբաթ երեկոյան զինված տղամարդը կրակ է բացել Սիեթլ քաղաքից մոտ 100 կմ հեռավորության վրա գտնվող Բերլինգտոն քաղաքի Cascade Mall առևտրի կենտրոնում, ինչի հետևանքով չորս կին ու մեկ տղամարդ է մահացել: Մեկ օր անց կասկածյալը ձերբակալվել է:
Ավելի վաղ ենթադրվում էր, որ կասկածյալը կարող է լատինամերիկացի լինել: