Հնդկաստանի վարչապետի կոստյումը գրանցվել է Գինեսի ռեկորդների գրքում` որպես ամենաթանկարժեքը
Հնդկաստանի վարչապետ Նարենդրա Մոդիի կոստյումը հայտնվել է Գինեսի համաշխարհային ռեկորդների գրքում` որպես աճուրդի ժամանակ վաճառված ամենաթանկարժեք կոստյումը:
Ինչպես տեղեկացնում է РИА Новости-ն` մեջբերելով հնդկական աղբյուրի տվյալները, վարչապետի մոնոգրամով կոստյումն աճուրդով վաճառվել է 2015-ի փետրվարին: Վաճառքի արժեքը կազմել է 43 մլն ռուփի (ավելի քան 643 000 դոլար): Հնդկական աղբյուրների հաղորդմամբ` կոստյումը ձեռք է բերել Dharmananda Diamond Company ոսկերչական ընկերության սեփականատերը, ով կոստյումը գնելուց հետո ռեկորդի գրանցման հայտ է ներկայացրել:
Մոդին այդ կոստյումը կրել է ԱՄՆ նախագահ Բարաք Օբամայի հետ Հնդկաստանում 2015-ին կայացած հանդիպման ժամանակ: Կոստյումի վրա առկա գծերը իրենցից ներկայացնում են վարչապետի անվան կրկնվող գրառումը: