Երևանի ոստիկանապետ Աշոտ Կարապետյանն ազատվել է պաշտոնից
ՀՀ ոստիկանապետ Վլադիմիր Գասպարյանի հրամանագրով աշխատանքից ազատվել է Երևանի ոստիկանապետ Աշոտ Կարապետյանը, այս մասին Tert.am-ի զրույցում Ոստիկանության ԶԼՄ-ների հետ կապերի բաժնից ասաց Էդգար Ջանոյանը:
«Ոստիկանությունում ընթացող ծառայողական քննությունների արդյունքներով, ոստիկանության պետի հրամաններով՝ ոստիկանության մի շարք ծառայողներ, այդ թվում՝ ոստիկանության Երևան քաղաքի վարչության պետ Աշոտ Կարապետյանը, ենթարկվել են կարգապահական տույժերի: Ոստիկանության պետ Վլադիմիր Գասպարյանի հրամանով Աշոտ Կարապետյանն այսօր ազատվել է զբաղեցրած պաշտոնից»,- ասաց նա։
Հիշեցնենք, որ օգոստոսի 5-ին Վլադիմիր Գասպարյանի հրամանագրով ի թիվս Ոստիկանության մի շարք աշխատողների խիստ նկատողություն էր հայտարարվել Աշոտ Կարապետյանին, իսկ ՀՀ փոխոստիկանապետի եղբոր՝ ՀՀ ոստիկանության զորքերի շտաբի օպերատիվ բաժնի պետի տեղակալ, գնդապետ Լեռնիկ Երանոսյանի լիազորությունները դադարեցվել էին։