Մեքսիկայում կառուցվող երկաթգծի վրա սողանք է իջել, կան տուժածներ
Երկու մարդ վիրավոր է և մեկը անհետ կորել է Մեքսիակայի մայրաքաղաքի և Տոլուկա քաղաքի միջև կառուցվող երկաթգծի վրա իջած սողանքի հետևանքով։ Ինչպես հաղորդում են իշխանությունների ներկայացուցիչները, միջադեպը տեղի է ունեցել Կուախիմալպա շրջանում։
Դեպքի վայր են ժամանել փրկարարներ և շտապ օգնության մի քանի բրիգադ։ Անհետացած շինարարի որոնողական աշխատանքները բարդացնում է նաև վատ եղանակը։ Ըստ նախնական տվյալների՝ սողանքի պատճառ են դարձել ուժեղ անձրևները։ Ընթացիկ տարվա մայիսին Տոլուկայում եղել են մի քանի փլուզումներ։ Միջադեպը տեղի է ունեցել քաղաքի կենտրոնի մոտակայքում, սակայն ոչ ոք չի տուժել։
Տոլուկա-Մեխիկո երկաթգծի ընդհանուր երկարությունը կազմում է 60կմ։ Համաձայն նախագծային փաստաթղթերի՝ գնացքի աշխատանքային արագությունը պետք է կազմի 90կմ/ժ, իսկ առավելագույն արագությունը 160կմ/ժ։ Երկաթգծի շինարարությունը պլանավորվում է ավարտին հասցնել 2017թ-ին։