Եվրո-2016. Շվեդիա - Բելգիա խաղը կսպասարկի գերմանացի մրցավարը
ՈւԵՖԱ-ն նշանակել է Եվրոպայի առաջնության խմբային փուլի վերջին տուրի E ու F խմբերի հանդիպումները սպասարկող մրցավարներին:
Իսլանդիա - Ավստրիա խաղը կսպասարկի լեհական մրցավարական բրիգադը՝ Շիմոն Մարչինյակի գլխավորությամբ: Պորտուգալիա - Հունգարիա խաղում կաշխատի անգլիացի Մարտին Ատկինսոնը, իսկ Իտալիա - Իռլանդիա հանդիպման մրցավարը կլինի ռումինացի Օվիդիու Խացեգանը:
Շվեդիա - Բելգիա հանդիպումը կսպասարկի գերմանացի Ֆելիքս Բրիխը: