Հայ բժիշկները ժողովրդի անբաժան մասն են և արժանի են իրենց երդմանը. Արմեն Մուրադյան (տեսանյութ)
Հայ բժիշկները բոլոր իրադարձությունների ժամանակ կարողացել են ապացուցել, որ ժողովրդի անբաժան մասն են և արժանի են իրենց երդմանը։ Այս մասին այսօր՝ Բուժաշխատողների օրը, Երևանի Մխիթար Հերացու անվան պետական բժշկական համալսարանում կազմակերպված միջոցառման ժամանակ լրագրողներին ասաց ՀՀ առողջապահության նախարար Արմեն Մուրադյանը։
«Առանձնակի կուզենայի նշել այն բուժաշխատողների աշխատանքը, որոնք քառօրյա պատերազմի ժամանակ եղան զինվորների կողքին, զենքը ձեռքին՝ առաջին գծում, հետպատերազմյան շրջանում զինվորներին ուշադրության ու հոգատարության պայմաններում պահեցին և շարք վերադարձրեցին մեր բազմաթիվ զինվորներին»,- կարևորեց նախարարը։
Մանրամասները՝ տեսանյութում