Վիլմոտս. Իտալիայի խաղը մեծ հիասթափություն է ամբողջ խմբի համար
Բելգիայի հավաքականի գլխավոր մարզիչ Մարկ Վիլմոտսը քննադատել է Իտալիայի հակագրոհելու ոճը՝ ասելով, որ դա իսկական ֆուտբոլ չէ: Եվրոպայի առաջնության խմբային փուլի առաջին խաղում Բելգիան պարտվել էր 0:2 հաշվով:
«Իտալիայի խաղը մեծ հիասթափություն է ամբողջ խմբի համար: Առաջին կես ժամվա ընթացքում նրանք թույլ չտվեցին մեզ ոչ մի պահ ստեղծել: Միակ բանը, ինչ մեզ հաջողվեց, հեռու տարածությունից հարվածելն էր: Դրանից հետո սխալվեցինք, և Իտալիան գոլ խփեց: Ալդերվեյրելդը և Սիմանն այդ դրվագում չհասկացան միմյանց:
Դրանից հետո բարդ էր փրկել հանդիպումը: Իտալիան ուժեղ ու փորձառու թիմ է: Ընդմիջումից հետո ավելի լավ էինք գործում, սակայն «Յուվենտուսի» պաշտպանությանը շրջանցել բարդ էր: Չնայած դրան մի քանի գոլային պահ ստեղծեցինք, սակայն չիրացրինք դրանք, ինչի համար պատժվեցինք:
Իտալիան հատուկ էր ընտրել հակագրոհների ոճը: Նրանք իսկական ֆուտբոլ չէին խաղում՝ նահանջելով ամբողջ թիմով»,- Վիլմոտսի խոսքը մեջբերում է «Football Italia»-ն: