Սա իմ վերջին տարին է ՊՍԺ-ում․ իմ արկածներն այստեղ կավարտվեն․ Մբապեն հայտարարել է ՊՍԺ-ից հեռանալու մասին
Ֆրանսիայի հավաքականի հարձակվող Կիլիան Մբապեն մրցաշրջանի ավարտից հետո կհեռանա ֆրանսիական «Պարի Սեն Ժերմեն» ֆուտբոլային ակումբից։
Այս մասին խաղացողը հայտնել է իր X էջում, փոխանցում է ՏԱՍՍ-ը։
«Ես միշտ ասել եմ, որ կտեղեկացնեմ ձեզ, երբ ժամանակը գա»,-գրել է Մբապեն:
«Ցանկանում եմ բոլորիդ հայտարարել, որ սա իմ վերջին տարին է ՊՍԺ-ում։ Ես չեմ երկարաձգի պայմանագիրը, և իմ արկածը կավարտվի մի քանի շաբաթվա ընթացքում։
«Ես իմ վերջին հանդիպումը կանցկացնեմ «Պարկ դե Պրենս»-ում կիրակի օրը»,-գրել է նա: