Եմենի հութիները հայտարարել են, որ հարձակման միջոցոց մի քանի ժամով դադարեցրել են օդային հաղորդակցությունն Իսրայելում
Եմենի հյուսիսում իշխող «Անսար Ալլահ» շարժումը պնդում է, որ Իսրայելի վրա անօդաչու թռչող սարքերով հարձակման արդյունքում իրենց հաջողվել է մի քանի ժամով դադարեցնել Իսրայելի տարածքում օդային հաղորդակցությունը։
Ինչպես «Ալ Մասիրա» հեռուստաալիքի եթերում հայտարարել է շարժման ներկայացուցիչ Յահյա ալ-Սարիան, Եմենի զինված ուժերը ԱԹՍ-ներով հարվածներ են հասցրել Իսրայելում մի քանի թիրախի ուղղությամբ, ինչի հետևանքով օդային հաղորդակցությունը և բազաների ու օդանավակայանների տարածքում տեղաշարժը դադարել է։
Յահյա ալ-Սարիան ընդգծել է, որ Եմենի զինված ուժերը «շարունակում են ավելի լավ ռազմական գործողություններ իրականացնել ճնշված Պաղեստինի ժողովրդի հաղթանակի համար»։ Նա նաև նշել է, որ իրենք շարունակելու են այս կերպ, քանի դեռ չի ավարտվել Գազայում պաղեստինցիների դեմ Իսրայելի դաժան ագրեսիան։