Հղիությունը փրկել է բրիտանուհու կյանքը
Մեծ Բրիտանիայի Հադերսֆիլդ քաղաքում բնակվող 29-ամյա Քեթի Բենեթը հղիացել է և այդ մասին իմացել է, երբ պատրաստվում էր մեկնել մեղրամսի:
Ինչպես հաղորդում է Корреспондент-ը, բրիտանուհին ստիպված է եղել բժշկի գնալ՝ ուլտրաձայնային հետազոտություն անցնելու՝ ի հայտ եկած արյունահոսության պատճառով:
Հիվանդանոցում ամուսիններին հայտնել են, որ պտղի հետ ամեն ինչ կարգին է, հղիությունն առանց բարդությունների է անցնում, սակայն ավելի ուշ Բենեթին տեղեկացրել են, որ ուլտրաձայնային հետազոտության ժամանակ նրա մոտ միզապարկի ուռուցք են հայտնաբերել:
Բրիտանուհին հաջող վիրահատության է ենթարկվել հղիության երրորդ ամսում, իսկ ծննդաբերությունից հետո ակտիվ բուժում է սկսել: Ներկա պահին նա ավարտել է քիմիաթերապիայի վեց շաբաթվա բուժումը, ինչի արդյունքում ուռուցքը զգալիորեն փոքրացել է:
Ինքը Բենեթը կարծում է, որ իր երեխան է փրկել իր կյանքը: Բժիշկների խոսքով՝ եթե կինը հղիության պատճառով ուլտրաձայնային հետազոտության չգնար, քաղցկեղի մասին այդպես էլ կարող էին չիմանալ: