Թրամփը սպասում է Կիմ Չեն Ընի հետ նոր հանդիպմանը
ԱՄՆ նախագահ Դոնալդ Թրամփը հայտարարել է, որ շատ լավ ուղերձ է ստացել ԿԺԴՀ առաջնորդ Կիմ Չեն Ընից և սպասում է նրա հետ նոր հանդիպման: Այս մասին հաղորդում է ТАСС գործակալությունը:
«Երեկ ես շատ լավ ուղերձ եմ ստացել Կիմ Չեն Ընից: Ենթադրում եմ, որ մենք նոր հանդիպում կունենանք», - ասել է Սպիտակ տան ղեկավարը՝ չմասնավորեցնելով, թե երբ կարող է նման հանդիպում կայանալ:
ԱՄՆ և ԿԺԴՀ առաջնորդների առաջին պատմապական հանդիպումը կայացել է 2018-ին Սինգապուրում, որի արդյունքներով համատեղ փաստաթուղ են ստորագրել: Փհենյանն այն ժամանակ պարտավորություն էր ստանձնել ապամիջուկայնացնելու Կորեական թերակղզին՝ Վաշինգտոնի կողմից անվտանգության երաշխիքների դիմաց:
Նրանց երկրորդ գագաթնաժողովը տեղի է ունեցել փետրվարի 27-28-ը, սակայն չեն կարողացել համաձայնության գալ և համատեղ փաստաթուղթ չեն ստորագրել:
Հունիսի 30-ին Թրամփն ու Կիմ Չեն Ընը ևս մեկ առանձին հանդիպում են ունեցել, որը տեղի է ունեցել Կորեայի և ԿԺԴՀ-ի սահմանին գտնվող ապառազմականացված գոտում: