Ղրղզստանում կայացել է Նիկոլ Փաշինյանի և Դմիտրի Մեդվեդևի հանդիպումը
Ղրղզստանում ավարտվել է Հայաստանի ու Ռուսաստանի վարչապետներ Նիկոլ Փաշինյանի ու Դմիտրի Մեդվեդևի հանդիպումը։
Tert.am-ի թղթակիցը Ղրղզստանից հայտնում է, որ Փաշինյանն ու Մեդվեդևը քննարկել են երկկողմ համագործակցությանն առնչվող հարցերի լայն շրջանակ։
Թե՛ Հայաստանի, թե՛ Ռուսաստանի վարչապետները համոզմունք են հայտնել, որ հարաբերություններում առաջընթաց կա։
ՀՀ ու ՌԴ կառավարությունների ղեկավարները ընդգծել են՝ պետք է շարունակել ամրապնդել ու զարգացնել հայ֊ռուսական կապերը։
Հանդիպումը տեղի է ունեցել Ղրղզստանի Չոլպոն Ատա քաղաքում։ Ավելի վաղ վարչապետը հանդիպել էր Ղրղզստանի նախագահ Սոորոնբայ Ժեենբեկովի հետ, ինչպես նաև մասնակցել Եվրասիական միջկառավարական խորհրդի նիստին։