Բերդիմուհամեդովը պաշտոնյաների հետ թոռան նոր երգի ներքո հեծանվով շրջել է Կասպից ծովի ափին
Թուրքմենստանի նախագահ Գուրբանգուլի Բերդիմուհամեդովն իր թոռան նոր երգի ներքո կառավարության անդամների հետ հեծանվով շրջել է Կասպից ծովի ափին, գրում է ntv.ru-ն:
Տեղական լրատվամիջոցների տեղեկություններով՝ պետության ղեկավարը զբոսանքի ընթացքում հեծանվի վրա տեղադրված հատուկ սարքի միջոցով լսել է թոռան`Քերիմի Yasa Turkmenistan! Bedew bady bilen dine one! անվանումով նոր երգը, որը թարգմանաբար նշանակում է «Կեցցե Թուրքմենստանը: Միայն ձիու քայլքով առաջ»:
Գուրբանգուլի Բերդիմուհամեդովն ընդգծել է «գեղեցիկ երաժշտության կարևորության մասին, որը, ինչպես իր երկար տարիների փորձն է ցույց տվել, դրականորեն կարող է ազդել մարդու, նրա զգայական աշխարհի վրա և նպաստել առողջության բարելավմանը»:
Զբոսանքի ժամանակ մշակույթի հարցերով փոխվարչապետ Բահարգուլ Աբդիևան հայտնել է, որ նախագահի թոռան գրած երաժշտությունը շուտով երգ կդառնա, այդ ուղղությամբ արդեն համապատասխան աշխատանքներ են տարվում: