Սքոթլենդ Յարդը հայտնել է, որ ներխուժման հետքեր չի հայտնաբերել ռուս վտարանդի գործարար Նիկոլայ Գլուշկովի տանը
Մեծ Բրիտանիայի ոստիկանությունը ներխուժման նշաններ չի հայտնաբերել տանը, որտեղ մահացել է «Աերոֆլոտի» գլխավոր տնօրենի նախկին տեղակալ, Ռուսաստանից արտաքսված գործարար Նիկոլայ Գլուշկովը: INTERFAX.RU-ի փոխանցմամբ՝ այս մասին հայտնում է Սքոթլենդ Յարդը:
«Հետաքննությունը շարունակվում է, մենք մի շարք հարցաքննություններ ենք իրականացրել, մենք ավելի քան 400 հանցանշան ունենք, որոնք հետազոտում ենք: Ներկա դրությամբ մենք ներխուժման նշաններ չենք հայտնաբերել, սակայն փորձաքննությունները Գլուշկովի տանը շարունակվում են, և մենք ակնկալում ենք, որ ևս որոշ ժամանակ կշարունակենք այնտեղ աշխատել», - հայտնել է լոնդոնյան ոստիկանության ներկայացուցիչ Քլարք Ջարեթը:
Հետաքննության շրջանակներում դեռևս որևէ ձերբակալություն չի իրականացվել:
Բացի դրանից, նշվում է, որ Սքոթլենդ Յարդը ներկա պահին որևէ առնչություն չի գտել Գլուշկովի սպանության և ռուսական հետախուզության նախկին աշխատակից Սերգեյ Սկրիպալի թունավորման միջև:
Հիշեցնենք, որ օրեր առաջ Սքոթլենդ Յարդը հայտնել էր, որ Նիկոլայ Գլուշկովը խեղդամահ է եղել: