ԱՄՆ-ում «դիսնեյյան արքայադուստրը» ձնակույտից հանել է ոստիկանական բեռնատարը (տեսանյութ)
ԱՄՆ-ի Մասաչուսեթս նահանգի Բոստոն քաղաքում «Սառցե սիրտը» մուլտֆիլմի Էլզա արքայադստեր կոստյումով տղամարդն օգնել է ձնակույտից հանել ոստիկանական բեռնատարը: Զվարճալի միջադեպի տեսանյութը հրապարակվել է You Tube-ում:
«Այո, Էլզա, դու պետք է անես դա», - գոչել են ականատեսները՝ խրախուսելով տղամարդուն:
Ինչպես նշում է People-ը, արքայադստեր կոստյում կրող տղամարդը 37-ամյա փաստաբան Ջեյսեն Թրիփլեթն էր. նա բացատրել է՝ ինչու է որոշել հայտնվել փողոցում այս արտասովոր տեսքով:
Թրիփլեթի խոսքով՝ այս կերպ ինքը փորձել է հաղթահարել մենությունը, որի պատճառը ձնաբուքի հետևանքով տանը մնալն էր: