Հրապարակվել է Ստալինի մասին սև կատակերգության երկրորդ թրեյլերը (տեսանյութ)
Համացանցում է հայտնվել ռեժիսոր Արմանդո Իանուչիի «Ստալինի մահը» ֆիլմի երկրորդ թրեյլերը. այն հրապարակվել է YouTube-ի Entertainment One UK ալիքում:
Lenta.ru-ի հաղորդմամբ՝ սև կատակերգությունում նկարահանվել են Սթիվ Բուշեմին, Թիմոտի Դալթոնը, Օլգա Կուրիլենկոն և Մայքլ Փեյլինը:
Նշվում է, որ ֆիլմն էկրաններ դուրս կգա հոկտեմբերի 20-ին՝ Տորոնտոյի միջազգային կինոփառատոնի ժամանակ:
Հայտնի է, որ ֆիլմը հիմնված է Ֆաբիեն Նուրիի և Թյերի Ռոբենի ֆրանսիական կոմիքսի վրա: Ֆիլմի իրադարձությունները տեղի են ունենում 1953 թվականի քաղաքական պայքարի օրերին՝ խորհրդային առաջնորդ Իոսիֆ Ստալինի մահից հետո:
Հարի Փոթերի մասին ֆիլմերի շնորհիվ հայտնիություն ձեռք բերած բրիտանացի դերասան Ջեյսոն Այզեքսը (Լյուցիուս Մալֆոյի դերակատար) խաղացել է Գեորգի Ժուկովի, իսկ դերասան և հաղորդավար Մայքլ Փեյլինը՝ Վյաչեսլավ Մոլոտովի դերը:
Ինչպես ավելի վաղ հայտնել էր Tert.am-ը, համացանցում հրապարակվել է «Ստալինի մահը» ֆիլմի առաջին թրեյլերը: