Алабуганың Җәмигъ мәчете мәдрәсәсендә маскировкалау челтәрләре үрү пункты эшли
Алабуга районы Җәмигъ мәчете мәдрәсәсендә маскировка челтәрләре үрү эше кайный. Теләге булган һәр кеше бу саваплы эшкә кушыла һәм үз өлешен кертә ала. Бүгенге көндә һәркем булдыра алганча махсус хәрби операциядә катнашучыларга ярдәм итә. Кемдер гуманитар ярдәм җыя, азык-төлек, төрле кирәк-яракларны туплап посылкалар җибәрә, кемдер маскировка челтәрләре үрә. Бу хакта «Алабуга нуры» хәбрә итә.
Биредә көн саен хатын-кызлар 32нче батальонда хезмәт итүче хәрбиләргә ярдәм итү өчен хезмәт куя.
Эш башланганнан бирле биредә инде 88 маскировка челтәре үрелгән, 81 плащ-палатка эшләнгән. Мәдрәсәдә эшләүче мөслимәләр эшкә шулкадәр күнеккән, аларның оста куллары челтәрләрне күз иярмәслек җитезлек белән үрә.
«Маскировкалау челтәрләрен күрсәтелгән схемага карап үрәбез, ул Саклану министрлыгыннан җибәрелә. Челтәрләрнең зурлыгы һәм типлары төрле була, шуңа күрә схемалар да бер-берсеннән аерыла, барысын да дөрес итеп, туры китереп эшләү кирәк, — диде Рима Садыкова.
«Эшнең мөһим икәнлеген аңлыйбыз, шуңа күрә мөмкинлек булуга бирегә килергә тырышабыз, җәй көне бөтенләй ялсыз эшләдек. Эшче куллар җитәрлек булса — көненә бер челтәр әзер. Һәркем булдыра алганча булыша», — диде Мәүлия Сафина.