Әлмәттә яшәүче ир-ат бәйрәм парады вакытында сөйгәненә тәкъдим ясады
Әлмәттә Нефтьчеләр көненә һәм шәһәрнең 70 еллыгына багышланган бәйрәм вакыйгалары кунаклары күңелгә үтеп керерлек мизгелнең шаһиты булды. Тантаналы парад вакытында алып баручылар хәзер тамашачының көтелмәгән мизгелгә шаһит булачагын игълан итте. Бу хакта «Әлмәт таңнары» хәбәр итә.
Алар бер ел элек Нефтьчеләр көненең бәйрәм чаралары вакытында танышкан кыз һәм егет турында сөйләде. Алып баручылар бүген ир-ат сөйгәненә тәкъдим ясарга карар иткәнен белдерде. Бу мизгел зур экранга трансляцияләнде. Шуннан соң алып баручы кызның ризалык биргәнен һәм бәйрәм парады дәвам иткәнен игълан итте.