Махсус операциядә һәлак булган хәрбиләргә Ленинград өлкәсендә истәлек такталары ачылды
Махсус хәрби операция барышында хәрби бурычын үтәгәндә һәлак булган хәрбиләргә Ленинград өлкәсенең Всеволожск районы Бугры урта гомуми белем бирү мәктәбендә истәлек такталары ачу тантанасы узды. Ул хәрбиләр бу мәктәпне тәмамлаган булган. Татарстан Республикасының Санкт-Петербург шәһәрендәге һәм Ленинград өлкәсендәге вәкиллеге шул турыда хәбәр итә.
Геройларның берсе – Ринат Ахунҗанов, ул 1979 елның 11 маенда Татарстан Республикасының Нурлат районы Берлек авылында туган.
1983 елдан 1996 елга кадәр Всеволожск районы Бугры бистәсендә яшәгән, 1986 елда Бугры мәктәбенең беренче классына укырга керә һәм 1994 елда 9нчы сыйныфны тәмамлый. 1996 елда әти-әнисе белән Татарстан Республикасына күченә, Алабуга шәһәрендә яши.
Хәрби хезмәткә үз теләге белән киткән. Өлешчә мобилизация игълан ителгәч, ул үзе хәрби билеты белән хәрби комиссариатка килгән һәм аны алгы сафка җибәргәннәр.
Чарада Татарстан Республикасының Санкт-Петербург шәһәрендәге һәм Ленинград өлкәсендәге Даими вәкиле Ренат Вәлиуллин, Всеволожск районы администрациясе вәкилләре, укучылар һәм укытучылар, һәлак булган хәрбиләрнең туганнары һәм сыйныфташлары катнашты.