“Зәкят” фонды 27 көн эчендә 20 авыру баланы дәвалау өчен акча җыйган
https://dumrt.ru/
Татарстанда «Рамазан – изге гамәлләр ае» хәйрия марафоны дәвам итә. Изге ай әле тәмамланмаса да, «Зәкят» хәйрия фонды битараф булмаган кешеләр булышлыгы белән 450 аз керемле гаиләгә азык-төлек җыелмалары өләшкән. Бу турыда ТР Диния нәзарәте матбугат хезмәте хәбәр итә.
Шулай ук Татарстанның 34 мәчетендә һәм мәдрәсәсендә 3840 мохтаҗ өчен ифтар мәҗлесләре оештырылган һәм 20 авыру баланы дәвалау өчен акча җыелган. Шулай ук мохтаҗлар өчен «Ханума» кафесыннан ифтар җыелмалары таратылган.
Һәркем хәйрия марафонында катнаша һәм ярдәм кирәк булганнарга акчалата булыша ала, диелә хәбәрдә.