Эдуард Хәйруллин белән хушлашу мәрасиме «Сәйдәш» мәдәни үзәгендә булачак
Танылган журналист, «Татмедиа» Республика матбугат һәм массакүләм коммуникацияләр агентлыгы җитәкчесе урынбасары Эдуард Хәйруллин белән хушлашу мәрасиме 17 апрельдә 10:00 сәгатьтә Казанның «Сәйдәш» мәдәни үзәгендә (Николай Ершов урамы, 57а йорты) узачак.
Эдуард Хәйруллин кичә кич Казанда 54 яшендә кинәт вафат булды. Татарстан Рәисе Рөстәм Миңнеханов һәм республика Аппараты җитәкчесе Әсгать Сәфәров танылган журналистның әнисенең кайгысын уртаклашты.