Самара өлкәсендә татар ашларын әзерләү буенча мастер-класс узды
Самара өлкәсенең Денискино авылындагы тарих - туган якны өйрәнү музеенда театральләштерү элементлары белән экскурсия, шулай ук татар ашлары әзерләү буенча мастер-класс узды. Бу хакта «Самар татарлары» сайты хәбәр итә.
Экскурсиядә катнашучылар Денискино авылы тарихы, аның халкының Бөек Ватан сугышы елларындагы батырлыклары турында белде, татар йорты бизәлеше, көнкүреш әйберләре белән танышты. Балалар милли костюмнарны киеп карады.
Музей хезмәткәрләре җитәкчелегендә балалар татар кухнясының традицион ризыгы - «Урама» әзерләргә өйрәнде, диелә хәбәрдә.