Кинематографистлар киноклубы Казан тамашачысын Булат Юсупов фильмын карарга чакыра
Татарстан Кинематографистлар берлегенең иртәгә тамашачыны Башкортстан кинорежиссёры Булат Юсуповның «Дневник поэта» фильмын карарга Киноклубка чакыра.
«Әлеге тулы метражлы нәфис фильм Татарстанда беренче мәртәбә күрсәтелә. Бу уникаль күрсәтү», ди Татарстан Кинематографистлар берлеге рәисе, кинорежиссёр Илдар Ягъфәров.
Ул әлеге фильм күрсәтү Башкортстан һәм Татарстан кинематографистлар берлегенең хезмәттәшлегенең бер чагылышы булуын ассызыклады.
«Дневник поэта» фильмы легендар башкорт шагыйре Рәми Гариповның биографиясенә нигезләнгән.
«Без киноклубта бернинди кинотеатрларда карап булмый торган кызыклы фильмнарны – милли кинематографистларның эшләрен күрсәтәбез. Тамашачы килсен, карасын, бәяләсен иде», - ди Илдар Ягъфәров.
- Фильм 7 апрельдә 16.00 сәгатьтә башлана. Киноклубның адресы – Казанның Петр Алексеев урамы, 3 нче йорт.
- Фильм түләүсез күрсәтелә.