«Ак Барс» хоккейчылары җиңелде, алар яңадан Владивостокка юл тота
Бүген «Ак Барс» хоккейчылары «Адмирал»га 1:2 исәбенә оттырды. Уен Казанның «Татнефть Арена» боз сараенда узды. Моңа хәтле ике уен Владивостокта үткән иде.
- Казанның «Ак Барс» командасы Владивостокның «Адмирал»ы белән плей-оффның икенче этабында дүрт җиңүгә кадәр көрәшә. Әлегә «Ак Барс» исәбендә өч җиңү, «Адмирал»да – ике.
Беренче период голларсыз үтте (0:0).
Икенче периодның уналтынчы минутында «Адмирал» һөҗүмчесе Даниил Гутик исәпне ачты, гол видеокабатлаудан соң гына исәпкә алынды (0:1). Унсигезенче минутта Владивосток командасы уенчысы Николай Чебыкин «Ак Барс» капкасына икенче алканы кертте (0:1).
Өченче период. Уникенче минутта, «Ак Барс» күпчелектә уйнаганда, «Адмирал» капкасына гол керде, алка Владивосток уенчысына тиеп керде, ул Александр Радулов исәбенә язылды (1:2). «Ак Барс»ның һөҗүмнәре күп булды, тик «Адмирал» капкачысы ышанычлы торды, башка голлар керттермәде.
Командалар составы:
«Ак Барс»
- Билалов (Мифтахов);
- Воронков – Сафонов – Радулов, Юдин – Войнов;
- Кагарлицкий – Шипачёв – Петров, Токранов – Лучевников;
- Галиев – Семёнов – Панюков, Адамчук – Лямкин;
- Лукоянов – Галимов – Дыняк (Терехов) Евсеев.
«Адмирал»
- Серебряков (Хомченко);
- Емец – Криштоф – Червены, Шулак – Уильямс;
- Горшков – Берлёв – Чебыкин, Паутов – Лисовец;
- Фәйзуллин – Грачёв – Шевченко, Метальников – Орехов;
- Гутик – Шэн – Сидляров (Корбит).
«Ак Барс» – «Адмирал» уеннар сериясе дәвам итә, киләсе уен 26 март Владивостокта үтәчәк.