Алабугада 55 зәңгәр чыршы һәм нарат үсентесе утыртылды
Алабуга урманчылыгы 55 зәңгәр чыршы һәм нарат үсентесе бирде, алар киләчәктә шәһәр ишегалдын бизәп торачак. Агачларны утыртуда «Бердәм Россия» партиясенең Алабуга бүлекчәсе вәкилләре катнашты. «Агач утырт» акциясе ел саен үткәрелә.
Быел агачлар өчен урынны 4нче микрорайонда — Автомобилистлар урамының 12нче йорт ишегалдында сайладылар. Биредәге урын буш иде, киләсе елдан агачлар үсә башлар. Бу турыда «Алабуга нуры» хәбәр итә.
«Бу үзенә күрә «Йорт янындагы бакча»ның дәвамы булып торачак. Бу территориягә бөтен архитектура ландшафтын кертергә тырышырбыз. Биредә кече архитектура формалары да урнаштырырга җыенабыз. Депутатлар корпусы һәм идарә компанияләре белән бергәләп, агачларны тәрбияләп үстерүне тәэмин итәрбез — ашлама, торф китерүне, су сибүне оештырырбыз», — ди вакытлыча район башлыгы вазифаларын башкаручы Олег Колпаков.
Акцияне оештыручылар сүзләренчә, шәһәрдә агачлар утыртуны октябрьдә дә дәвам итәргә уйлыйлар.