Югары суд «Татагропромбанк»ның элеккеге башлыгына карата хөкем карарын гамәлдән чыгарды
Татарстан Югары суды «Татагропромбанк»ның элеккеге башлыгы Алексей Федоровның апелляция шикаятен канәгатьләндерде. Ул алдан үзенә карата чыгарылган хөкем карары буенча шикаять биргән иде.
«Суд карарын гамәлдән чыгаруны һәм мине аклауны сорыйм», - дип судка мөрәҗәгать итте соңгы сүз белән хөкем ителүче.
Искәртик, «Татагропромбанк»ның элеккеге җитәкчесе хөкем карарын агымдагы елның июнендә тыңлады. Казанның Вахитов районы суды аны вазыйфаи вәкаләтләрен арттыруда гаепле дип тапты һәм шартлы рәвештә өч елга ирегеннән мәхрүм итте.
Тикшерү версиясе буенча, 2017 елда Федоров банк өчен отышсыз булган кире кайтарылмый торган 43 млн сум кредит алу турындагы килешүгә имза куйган. Соңрак арбитраж суды килешүне гамәлдә түгел дип таныды.
Республиканың Югары суды Федоровка карата хөкем карарын гамәлдән чыгарды. Эшне Вахитов судына яңа составта карауга кайтардылар.